Различни барања имаат охриѓани за подобар урбан живот. Порачуваат градските избраници да водат повеќе сметка за изградба на содржини кои ќе им го направат животот полесен. Граѓаните кои случајно ги анкетиравме побараа од градските избраници во општинскиот совет да го направат Охрид подобро место за живеење во престојната 2016 година. 
Посакауваат што поскоро да се изгради дом за стари лица, повеќе игралишта и забавни содржини за децата, изградба на катна гаража подалеку од езерото, изградба на канализација во Лагадин, подобри улици и патишта и улици со тротоари каде што ќе можат да се движат пешаците.
Граѓаните утре со почеток од 12 часот во големата сала на општина Охрид ќе може да земат активно учество во јавната расправа по нацрт- фискалната стратегија и развојните програми на општина Охрид за 2016 година. На јавната расправа можат да учествуваат покрај заинтересираните граѓани и правните лица, здруженија на граѓани и институции.
