Дедо Мраз со полна вреќа подароци ги посети дечињата од градинката Јасна Ристеска. Со програмата за одбележување на Новогодишните празници ќе бидат опфатени сите 830 деца згрижени во градинките. Децата од објектот Лихнида и централната Јасна Ристеска со песна и игра му приредија весело добредојде на Дедо Мраз.
Утре е планирано Дедо Мраз да ги посети дечињата во објектот Росица, на 25 доаѓа во Развигорче и во Велгошти, а на 28 во Лескоец и Радојца Новичиќ.
Централната прослава во организација на Локалната самоуправа ќе се одржи на 26 декември во сабота, на пладне, на градскиот плоштад.
Во Новогодишниот хепенинг ќе бидат вклучени 400 деца на возраст од 4 до 6 години.
Роза Костеска, директорката на градинката Јасна Ристеска, ги поканува сите дечиња да дојдат на градскиот плоштад за да ја почуствуваат новогодишната атмосфера.
