Мистериозните места на Google Earth, тврдат поборниците на теории на заговор, се скриени градови и подрачја на кои се спроведуваат тестирања на вонземјани, се пикселизирани, а некои се дури и потполно избришани од мапата.
Порталот news.com.au составил листа на такви забранети подрачја кои “исчезнале” од мапата.
Haarp (границата помеѓу Вашингтон и Орегон) – Американските воздухопловни сили во 2014 година го затвориле контроверзниот објект во кој се спроведуваа истражувања поврзани со јоносферата. Некои теоретичари на заговори мислеле дека во Haarp се контролира времето, а лидерот на Венецуела, Хуго Чавез, изјавил дека Haarp, или неговата програма, предизвикал потрес на Хаити.
Таен град во Русија – Во сибирската тундра се наоѓа подрачје кое е замаглено, а никој не знае зошто. Најблискиот град е Егвекинот. Во Русија во 1986 година се затворени десетици градови кои имале повеќе од еден милион жители. Градовите покрај името имале и свој број, како на пример Арзамас 16, во кој живееле инженери за нуклеарна енергија.
Затворот Portlaoise во Ирска – Станува збор за затвор во кој биле сместени најопасни криминалци. На Google мапата не е замаглен, но ако се погледне одблиску, боите не се совпаѓаат со околината.
Фарски острови, Данска – Овој архипелаг е формален дел од Данска, иако има автономна власт, а се состои од 18 острови со вулканско потекло. На мапата дел од островот недостасува, а меѓу нив и воената база од Втората светска војна на островот Vagar. Никој не знае зошто е тој дел од островот, на кој живеат 50.000 жители, пикселизиран, а една од причините за која се нагаѓа е риболовот.
Szazhalombatta рафинерија во Унгарија – Рафинеријата побарала од Google да ја обои во зелено, а нејзините објекти се отстранети од сателитските снимки, но никому не му е јасно зошто е направено тоа.
Kangtega во Непал – Kangtega е највисок врв на Хималаите на подрачјето на Непал, а на мапата на Google е затемнет.
Воздухопловната база Volkel во Холандија – Поранешниот премиер Ruud Lubbers тврдел дека таму се наоѓаат 22 нуклеарни бомби, меѓу нив и термонуклеарната бомба В61 која е наводно четири пати посилна од оние кои се фрлени на Хирошима и Нагасаки. Подрачјето на Volkel е замаскирано на GoogleEarth, пренесува Daily Mail.
