Од Националната установа Завод за заштита на спомениците и музеј Охрид најавуваат продолжување на повеќе започнати проекти кои ресорното министерство финансиски ги поддржува во охридско – струшкиот регион. Одвоени се пари за конзервација на фрескоживопиот во црквите Богородица Захумска, Св. Ѓорѓи во Струга и Богородица Перивлепта,
Пред две години беа стопирани архeолошките истражувања на Самоиловата тврдина кои годинава продожуваат да се реализраат.
„ Продолжуваме со археолошките истражувања за да се довршат внатрешните археолошки истражувања во еден дел од Цитаделата кој остана недоистражен. Ќе се санира и еден дел од бедемот на Самоиловата тврдина, сектор 5, на потегот од Горна Порта кон Плаошник, како дел од надвижното културно наследство“, посочува директоркаат Тања Паскали Бунташеска.
Ќе продолжат археолошките истражувања на Плаошник кој годинава треба да завршат, а исто така и кај Дебој на потегот пред влезот на црквата Св Богородица Перивлепта. Најави за продолжување на истражувања има и за Љубанишко поле.
„ Археолошки истражувања ќе има и во Раица манастириште. Тоа е трета фаза за истаржувањата кои на тој локалитет почна да се прават последните две години, а сега би требало да се довршат“, напоменува Паскали Бунташеска.
Ресорното министерство досега одобри обнова на 13 објекти, а годинава ќе се продолжи со уште 6. Од нив во старото охридско градско јадро ќе се зајакнува статиката, кровот и фасадите на 4 куќи, а во струшкото градско јадро ќе се обноват два објекти.
