Samsung ги претстави новите Galaxy S7 и S7 Edge
Бројни подобрувања го означија претставувањето на новите модели
Најголемиот саем за мобилни телефони своите врати официјално ги отвора денес, но на вчерашната прес конференција за новинарите Samsung ги претстави новите модели од серијата Galaxy, S7 и S7 Edge.
Секако, моделот Edge доаѓа со закривен екран, а освен тоа моделите се разликуваат и по големината – Ѕ7 со 5,1 инчи, додека Edge е со екран од 5,5 инчи, а на двата модели станува збор за AMOLED екрани со резулуција од 2.560х1440 пиксели.
Телефоните ги покренува процесорот на Qualcomm Snapdragon 820, работат на Android 6,0 Marsmallow, имаат 4GB RAM и 32, односно 64GB меморија, а како што и се најавуваше, моделите имаат простор за microSD мемориска картичка така што со нејзина помош е овозможена надоградба на меморијата до 200GB, што и на најфанатичните корисници би требало да им е доволно.
Новите телефони доаѓаат и со нова, поквалитетна камера со резолуција од 12 MP чии главни карактеристики се поголем квалитет на снимената содржина и побрз автофокус.
Освен овие подобрувања, тука се водотпорноста и зголемениот капацитет на батеријата која се полни бежично.
Уште една интересна опција за која се пишуваше пред конференцијата е “Always on” – на екранот секогаш ќе се прикажуваат основните информации како што е временската прогноза, датум, известувања…освен кога телефонот е в џеб што ќе го препознаат сензорите во новите модели на Galaxy и ќе го исклучат екранот, а на тој начин ја намалуваат потрошувачката на батеријата.
Преднарачките на Samsung Galaxy S7 и S7 Edge се започнати, а нивната официјална продажба ќе започне на 11 март.
