Денес ви претставуваме уште една од тајните на Охрид и езерото преку објективот на Ѓоко Симјаноски.
Трската, Phragmites australis (Cav.) Trin. ex Steud. (Phragmites communisTRIN.)од Охридското Езеро е значаен претставник на емергентната макрофитска вегетација од Охридското Езеро. 
Tрската е место каде што се мрестат голем број риби и се гнездат различни видови птици.Трската преставува природен филтер на водата и плус на тоа место има и жив свет. Не само за рибите туку и за патките.
Одредени истражувања направени пред повеќе од 25 години покажуваат дека најголеми површини на трска на Охридското Езеро од Македонска страна има на струшкиот дел односно на северозападното и на северното подрачје и кај Свети Наум.
Истражувањата на научните работници покажуваат дека има зголемување на површината со трска околу Охридското езеро за 2,8 хектари, и покрај неконтролираното уништување од страна на човекот.
