Погледнете уште една од тајните на Охрид, една од најстарите градби во нашиов бисер, Античкиот Театар.
Античкиот театар е сместен во стариот дел на Охрид. Тој се наоѓа помеѓу Горна Порта и Плаошник.
Првите податоци за постоењето на овој објект кажуваат дека тој е стар околу 2 милениуми, т.е. изграден е во периодот на доцниот хеленизам. Подоцна овој објект бил преадаптиран во периодот на римските освојувања. Театарот се користел за гладијаторски борби и борби на гладиајтори со диви животни.
Античкиот театар бил затрупан со земја во периодот на продирањето на христијанството во овие краишта, од причина што се сметал за симбол на еретизмот и спомен на перидот кога се верувало во повеќе богови. Под земја овој објект останал се до 2001 година кога беше археолошки истражен и реконструиран.
Денес античкиот театар се користи за културни манифестации, концерти и театарски престави. Традиционално, во него се отвора фестивалот Охридско Лето, а на сцената на Античкиот Театар до сега настапиле Хозе Карерас, Рускиот Царски бачлет, Киевскиот Балет, Барбара Хедрикс, Тоше Проески, групата Леб и Сол, и ред други изведувачи со висок и светски признаен квалитет.
