Косово сака членство во Интерпол и Европол

Заменик-министерот за внатрешни работи на Косово Фатмир Џелили соопшти дека во април неговото Министерство ќе поднесе молба за членство во Интерпол и Европол.
Џелили за Радио Слободна Европа изјави дека молбата ќе биде поднесена од името на Владата на Косово.

Радиото сепак коментира дека поради малиот број држави кои го признале Косово и поради фактот што Косово не е член на ОН, тешко ќе може да обезбеди членство во Интерпол. Единствениот механизам преку кој може да соработува со Интерпол е мисијата на ОН УНМИК, која е одговорна за меѓународната соработка на Косово со земјите и институциите кои го немаат признаено Косово.

УНМИК, како и мисиjaта на ЕУ ЕУЛЕКС, ќе отворат специјална канцеларија која што ќе се занимава со соработка со полициските структури и организации.

 

 

{loadposition content9}