За три месеци од годинава охриѓани побарале одговор на 12 барања користејќи го Законот за слободен пристап до информации од јавен карактер
„Најголем број од нив се однесуваат од областа на урбанзимнот, финансиите и јавните набавки. На барателите позитивно е одговорено и нема жалбени постапки, “укажува портпаролот на општина Охрид Томе Џамтоски.
Процентуално бројот на поставените прашања од ова тромесечие се совпаѓа со тромесечието од минатата година, напоменува Џамтоски. Подвлекува дека во 2015 година законското право до слободен пристап до информации од јавен карактер најмногу го искористиле НВО вкупно 21 барање , 6 правни лица, и само 8 мина граѓани.
„Од вкупниот број на поставени прашања 18 се од областа на урбанизмот, 10 се од финасиси, а по 5 се однесуваат за работата на советот, комуналната сфера , јавните набавки, даноците. 6 прашања се однесувале од управување со човечки ресурси. По 4 прашања имало за комуналните такси, од областа на културата и животната средина, а 9 барања се однесувале за работата на Јавните претпријатија“, истакна Џамтоски.
Минатата година нити еден медиум не го користел законското право за слободен пристап до информации од јавен карактер. Она штој аодбележало минаат година е дека имало само една жалбена постапка која била одбиена од Комисијата за заштита на правата за слободен пристап до информации од јавен карактер.
