Промовирана монографијата 40 години од формирањето на општинскиот фудбалски сојуз и здруженеито на фудбалските судии во Охрид

Промовирана монографијата 40 години од формирањето на општинскиот фудбалски сојуз и здруженеито на фудбалските судии во Охрид.

4 децении  историја на фудбалскиот спорт во Охрид поместени на 350 страници, збогатени со многу фотографии. Денес беше промовирана монографијата  „40 години од формирањето на општинскиот фудбалски сојуз и здружението на фудбалските судии-судиска комисија, од перидот 1976 до 2016 година. Авторот на ова вредно дело е  долгогодишниот спортски работник во областа на фудбалот Димче Стојкоски Лепи.

„Сите случувања, учества, работата  на клубот  во сите овие 40 години, победници, доделувањето на плакети, предавања на пехари. Има и претставници од сите претседателства, а ги има 60, фотографии, прв управен одбор, иницијативен одбор, татко и син што играле фудбал, татко и син што суделе, браќа што играле фудбал, се е во таа книга, “напоменува авторот Димче Стојкоски Лепи.     

Димче Стојкоски Лепи е со фудбалот од неговата младост. Започнал во 1955 година, потоа продолжил како фудбасли судија, па како делгат во општинскиот фудбалски сојуз. Две години работел на монографијата, а потпојано прибирал материјал и поскаувал за овој јубилеј да ги објави сите значајни информации од историјата на охридскиот  фудбал.

„Бев во контакт со фудбалот. Бев присутен на сите терени и бев задоволен што само за мал дел  ми недостасува фотографии, некои  ми дадоа, а некои  ги немаа“, вели Стојкоски.  

 Димче Стојкоски Лепи е автор на  9 книга од областа на фудбалот. Во 2011 година е прогласен за најдобар спортски работник во Охрид, а во 2015 година ја доби општинската награда за животно дело во областа на спортот.