Куќата на Робевци комплетно се обновува. Во еден од најрепрезентативните објекти на градската архитектура ќе бидат поставени нови изложбени поставки на трите ката од овој спомен дом. Како што пренесува директорката на Установата Завод и Музеј Охрид, Тања Паскали Бунташеска во тек е санација и на ентериерот, таваниците, подовите, долапите и опшивите, а се конзервираа сите резбани премети и голем дел од етнолошката збирка со дрвени предмети.
„Оваа година до почетокот на летната сезона комплетно ќе бидат завршени сите работи на ентериерот на Музејот на Робевци. Во тек ни е постапката за набавка на витрини и кога ќе бидат набавени ќе бидарт наместени новите музејски поставки и до почетокот на сезоната ќе го отвориме и Музејот“
Куќата на Робевци, едно од од најспецифичните зданија на старата охридска архитектура, изградена во 19 век ја обновува Министерствот за култура Последната реконструкција била извршена во 1990 година. Директорката очекува дека реновираниот музеј ќе ја зголеми посетеноста.
„Се надевам дека сега со новите поставки во Музејот на Робевци ќе влегуваат и повеќе туристи. Инаку многу е мала посетеноста на Музејот на Робевци на посебно на Галеријата на икони имаме најмала посетеност“
Куќата на Робевци претставува заштитен споменик на културата и во неа е сместен Археолошкиот музеј, етнолошката поставка, богат фонд на предмети од семејството Робевци, Златната соба и вредни дела на охридската резбарска школа.
