На охридскиот плоштад се сретна соучениците од некогашното економско училиште Мите Богоески. Средбата е јубилејна и се одбележуваат 55 години од завршувањето на средното стручно училиште од учебната 1958 -1962 година , напоменува Димче Стојкоски Лепи од иницијативниот организациски одброр. Средбата беше срдечна, се евоцираа спомени од другарувањето и училишните денови, вели Стојкоски.Се присетува на тие минати денови поминати во школските клупи кога како и сите средношколци биле 
темпераментни, потшепнувале, препишувале ,поткажувале и си помагале.
„Нашата генерација беше цврста генерација. Тоа се докажа со тоа што 80 посто од нас заминаа на факултет. Дадовме допринос за државата, бевме на раководни места и никој не излезе со црн образ на работното место. Имавме соработка и по завршувањето на образованието си помагавме“, кажува Стојкоски.
На генерациската средба беше присутен и некогашниот професор Видое Видически, познат охридски културен деец.Среќен сум што по толку години се среќавам со своите ученици, вели Видически.
„ Верувајте, горд сум на генерацијата која сум ја водел, воспитувал .Сите се на ниво на времето во кое живееме. Тоа е значајно за човек кој учествувал во создавањето на околината , на градот во кој живеел и бил расадник во нашата култура, историја и во сите други области“, подвлекува Видически.
На средбата не присуствуваа сите поканети од матурирањетод генерацијата 1958 -1962 година , посочува Стојкоски, сепак годините си го прават своето. Но, иницијативниот одбор има намера генерациската среда за 6-те децении од матурирањето да ја одржи во соседните градови Струга или Ресен од каде што имале свои другари кои учеле во срдното економско училиште Мите Богоески.
