На охридското крајбрежје има над 90 регистрирани апартмани од висока категорија. Оваа бројка пред 4 години била скоро двојно помала, информираат од одделението за туризам при ЛС. И додека бројот на регистрирани легла во приватното сместување квантитативно е стандарден, расте квалитативната понуда на апартманското сместување, напоменува Ѓоко Апостолов од Тлер.
„Она што е упадливо и значајно што бројот на апартманите со една ѕвездичка опаѓа.Во моментов нема апартмани од најниска категорија, додека бројот на апартмани со 2, 3 и 4 ѕвездички се зголемува. Ако се направи анализа квантитативно бројот на апартманите бележат пораст, но не многу. Додека се забележува дека е во пораст квалитетот на апартманските услуги што се нудат на туристите“, вели Апостолов.
Сопствениците постојано инвестираат во објектите и го подобруваат квалитетот на услугите кои ги нудат на гостите. За подобрувањето на кавалитетот на апартманите допринесуваат и неколку фактори, вели Апостолов.
„ Сето тоа е комплетарно и со пораст на туристите од година на година. Субвенционирањето кое го добиваат тур оператори кои носат организирано туристи и ни даваат до знаење дека со тоа се подобрува стандардот. Во сместувачките капацитети се зголемува и самиот прилив на средства за приватните станоиздавачи“ рече Апостолов.
Во Охрид се регистрирани 2400 приватни станоиздавачи.Тие на туристите преку цела година им нудат 5200 сместувачки капацитети и 12.300 легла.
