Дождот кој паѓаше изминативе два дена иво Охрид наврна 90 литри на м2 предизвика поплави на градските улици. Причина за поплавите покрај големото количество на дожд било и затајување на колекторскиот систем. Запушен ситем кај Даљан предизвика поплави на улиците Галичица, Дејан Војвода, Коста Абраш, Даљан, Лескајца, Железничка, Македонски просветители, Партизанска, Даме Груев , информира директорот на ЈП Нискоградба Гоце Ѓоршески. Додава дека екипите на ЈП Нискоградба и Проаква интервенирале и успеале да го пробијат колекторскиот систем.
„Тие проблеми се повторуваат и колекторскиот систем континуирано треба да е во исправна состојба, Се случи застој и се случи поплавувањето, враќање на водата назад по одводните шахти“, појаснува Ѓоршески.
Денес водата се повлече од градските улици, а се забележуваат поплавени дворови и подруми каде што нема одвод претежно во периферните делови од градот. Екипите на ЈП се на терен и работат на санација на дефекти на улиците Дејан Војвода, Сирма Војвода и Лескајца и не очекуваат поголеми проблеми во текот на денот.
Од силниот дожд кој го зафати Охрид се сруши и една руинирана градба на улицата Гоце Делчев.
Синооптичарите најавуваат нови дождови и високи дневни темпертури.
„Очекуваме во вечерните часови врнежите да се интензивираат до утре попладне. Во втората половина од денот врнежите ќе престанат, а утре ќе дува и засилен југозападен ветар“, информира Костадинка Арсовска од УХМР.
Високи дневни температури ќе има уште утре, а од понеделник не очекува суво време со намалување на дневните температури. Од вторник се највуваат дневни температури под нулата.
