Денес на Сараиште, по осми пат се изврши светиот чин на групно покрстување. Марина, Васко , Денис, Џулијана и Валентина денес ја примија тајната на светото крштение. Сите кои беа крстени во езерските води, со различни приказни за тоа како останале некрстени до сега. Меѓу нив беше и стружанецот Денис .
„Големо е задоволство на овој ден кога се крштева Исус Христос, да се пристапам и јас кон овој свет чин и ми причинува задоволство“.
Светата тајна “Крштение” е прва и основна тајна која што се прима, за да може секој човек да влезе во членството на светата Христова црква и да ги прими и останатите свети тајни како што се тајна “Причест”, светата тајна “Венчание”, сите други свети тајни, рече отец Љупчо Симиџиoски.
„Традиционално на Сараиште после фрлањето на чесниот крст во водите на Охридското Езеро, веќе години наназад му даваме можност на сите оние кои што не се крстени да се пријават на овој голем ден за да ја примат светата тајна крштение. Ова е од големо значење ова не е обичај туку тоа е за спасение на човечките души“
Отец Симиџиoски кажа кажа дека годинава пет лица се пријавиле за групно крштевање. Додаде дека сите кои денес ја примија верата Христова, треба да дојдат во црквата на четириесетиот ден да ги запалат свеќите и да се причестат со телото и крвта Христови. Ова крштевање е со симболична сума од 500 денари.
