Претседателот на Партијата за општествен и економски напредок, ПОЕН Охрид Вахид Мемед ги повикува сите граѓани без разлика на етничка ,верска,партиска и секаква припадност ,особено мојата заедница балканските египќаните, но и сите граѓани и припадници на етничките заедници масовно да излезат на референдумското изјаснување во недела, на 30.09.2018 година и да го дадат својот придонес за развојот на европска Македонија.
Драги сограѓани ,почитувани мои Египќани,
Вашиот глас вреди, затоа што вие сте креаторите на еден силен напредок. Придобивките од членството во европската унија, ќе бидат подеднакво важни за сите нас и за нашата држава. Ќе бидеме во можност секаде да патуваме со наш, македонски пасош и да одиме со дигнати глави.
Нашите деца ќе имаат можности за многу поквалитетно образование, а на пазарот ќе се создаде поголема конкурентност и ќе се отворат вратите за пласмани на големите пазари.
Македонија ќе биде рамноправна членка на унијата на големите европски семејства и на НАТО. Тоа е нашата единствена алтернатива за сигурна иднина.
Затоа, ве повикувам во недела да го исполните вашето највисоко граѓанско право, за да зачекориме заедно кон подобро утре.
