Новак Ѓоковиќ добро играше сет и половина и сериозно го загрижи првиот светски рекет, но нешто повеќе од тоа, сепак, не можеше. Како и порано во текот на неделата, Надал славеше без изгубен сет, со 7:6 (2) и 6:2.
Во првиот сет видовме дека и Рафаел Надал може да се најде под притисок на црвениот прав. Но, ако веќе испушти можност во раниот дел од сетот, кралот на земјата не дозволи такво нешто да се случи во тај-брејкот. Навистина, Ѓоковиќ нешто промаши, два бекхенда отидоа надвор од теренот во лоши моменти, но против Надал не се оди без ризик. Со таков пристап се врати во сетот, а во тај-брејкот грешките ги искористи Надал кој го доби со убедливи 7:2. Првиот сет траеше еден час и десет минути, а во продолжението работите добија на брзина. За разлика од првиот сет, првиот тенисер на светот не ја пропушти стекнатата предност, а сето тоа го потврди со брејк и за 6:2, користејќи го падот во играта на Ѓоковиќ.
Против Надал на земја никому не му е лесно да издржи до крај, тоа се потврди и овој пат. За кралот на земјата ова е четврта титула во Рим, а вкупно 15. на турнирите од ваков ранг. Во оваа категорија Надал е на само две титули до рекордот на Андре Агаси, а се’ уште не наполнил 23 години. Заклучете сами. Покрај поразот, Новак Ѓоковиќ поради тоа што не го одбрани Рим, го загуби и третото место на АТП-листата, кое сега е во рацете на Енди Мари.
{loadposition content9}
