Потпорниот ѕид во близина на црквата Св. Богородица Перивлепта, потенцијална опасност за минувачите и за учениците во училиштето Св. Климент Охридски. Големи камења секојдневно се одронуваат од овој ѕид за кој и не се памети кога бил изграден. Мештаните во повеќе наврати реагирале до надлежните институции, но сите одговорноста си ја префрлале од еден на друг. Едни велат дека овој ѕид бидејќи е во атарот на црквата таа треба да го санира. Други пак тврдат дека тоа треба да го стори Локалната. Мештаните се обратиле и до инспекциските служби.
Јас искрено да ви кажам не знам како службите комуницирале со охридската митрополија, но она што знам од раководителот на секторот е дека најбрзо што може ќе биде саниран тој потпорен ѕид. Претпоставувам дека правните работи се надминати и дека многу брзо ќе биде работата завршена, а ѕидот саниран, вели Томе Џамтоски, портпарол на Локална самоуправа.
Санацијата на потпорниот ѕид во близина на училиштето Св. Климент Охридски веќе е влезена во годишната програма на Фондот за комунален развој, сообраќај и патишта. Градежните работи се планира да започнат веднаш штом ќе дозволат временските услови.
Фондот за комунален развој во првите месеци од оваа година ќе изведи два потпорни ѕида. Едниот е кај старото училиште Св. Климент Охридски односно сегашното седиште на Охридската митрополија, вели Џамтоски.
Од Локалната најавуваат повеќе градежни работи во пролетниот период. Тука спаѓа и санацијата на кружниот тек во близина на болницата, но и капиталниот проект за реконструкција на улицата Абас Емин.
