Претседателот на Франција Никола Саркози денеска во Париз ќе го прими македонскиот премиер Никола Груевски.
Според најавите, се очекува Груевски и Саркози да разговараат во врска со визната либерализација за македонските граѓани, а не се исклучува можноста да стане збор и за проблемот со името.
Претседателот на Франција во повеќе наврати покажа резерви кон проширувањето на Унијата, пред таа внатрешно да се консолидира.
Саркози и германската канцеларка Ангела Меркел деновиве се изјаснија против бескрајното проширување на Европската унија, конкретно против членството на Турција.
Македонија од 2005 година е кандидат за членство во ЕУ, а годинава се надева на укинување на визниот режим.
{loadposition content9}
