Сашо Донев претседателот на ОК на Вмро Дпмне на прес конференција упати обвинувања на адреса на директорката на ЈП „Билјанини извори“, Гордана Јованоска. Донев, при тоа кажа дека со уцени и притисоци врз вработените барала да излезат и да гласаат за кандидатот на СДСМ.
„Од разговорите се гледа дека директорката Јованоска врши притисок врз вработен и неговата сопруга да излезат на гласање, замислете како што вели: ,,секој глас е битен”. Уште колку такви пораки се испратени на вработени во Јавните претпријатија во Охрид за време на локалните избори? Зошто градоначалникот Константин Георгиески молчи и не ја разрешува директорката Јованоска или ќе и прости за тоа што му помогнала да победи на избори?“ праша Донев.
ВМРО-ДПМНЕ бара веднаш неотповиклива оставка од директорката Јованоска, кажа Донев.
„Јавното обвинителство и надлежните органи да соберат храброст да се ослободат од притисоците и да го истражат случајот во кој има сериозни прекршувања на изборниот законик“, рече Донев.
Траги во системите од кои се праќани пораките постојат, сведоци на притисоците и уцените има. Бараме итна, неодложна и транспарентна истрага со видливи резултати, порача Сашо Донев претседател на ОК Вмро Дпмне.
