Од СВР Охрид упатуваат апел до граѓаните, строго да ја почитуваат одлука на Владата за забрана на движењето од 16.00 до 05.00 часот секој ден која почнува од денес и целосно за време на викендите. Во изминатото деноноќие охриѓани биле дисциплинирани. Стабилна е и безбедносната состојба и на подрачјето на остантите 6 општини кои ги покрива СВР Охрид. Без проблеми се одвивала и контролата на лица кои се под мерките задолжителен државен карантин, здравствен надзор и домашна изолација и задолжителна 14-дневна самоизолација, информира Стефан Димоски, портпарол на СВР Охрид.
„Во Струга, евидентирано е едно ново лице со решение за изолација и извршени се 26 контроли на лицата кои веќе се во изолација од кои во Охрид се 14, Струга , 9 и во Кичево 3. Евидентирани се 11 нови лица во самоизолација, сите во Дебар,а извршени се 237 контроли врз овие лица во Охрид се направени 3 контроли, во Струга се 170, Кичево 3 и Дебар 61 контрола“.
На подрачјето на СВР Охрид, регистрирани се вкупно 627 лице кои се под задолжителна мерка државен карантин од кои во Охрид се наоѓаат 326 лица, а во Струга се 301 лице,сите сместени во пет сместувачки објекти.
„Од нив, три лица се нови сместени во карантин во изминативе 24 часа .Во Охрид се сместени 2 лица, а во Струга 1 лице. Полициските службеници извршија 70 контроли на угостителски објекти“.
Стабилна е безбедносната состојба и на подрачјето на општините Дебар и Центар Жупа, каде е прогласена кризна состојба.
