Новонастанатата ситуција со Ковид 19 се рефлектираше и врз доставување на барањата за пријави на категоризација на сместувачките легла на охридското крајбрежје, инфромира Илкер Мустафа од одделението за Туризам и локален економски развој.
„Враќајќи се наназад неколку месеци барањата за категоризација се намалени што е нормално. Но, по олабавување на мерките, станоиздавачите почнаа да поднесуваат нови барања за категоризација на приватното сместување. Комисијата наскоро ќе излезе на терен и да ги категоризира објектите според барањата“.
Во евиденцијата на ТЛЕР има 290 регистрирани станоиздавачи кои се бават со оваа дејност. Последните години постојано се подобруваат и нудат сместувачки капацитети од висока категорија, вели Мустафа. Охрид може да кажам дека не само во Македонија, туку и на Балканот има многу добра понуда на сместувачки капацитети. Околку 90 проценти од регистрираните објекти се од повисоката категорија комфорт.
„Постојат соби, куќи, станови и апартмани за издавње согласно Правилникот кој е пропишан од Министерството за економија. Според него постојат 2 категории стандард и комфорт со една или 2 ѕвезди“, напоменува Мустафа.
Илкер Мустафа од одделението за туризам и локален економски развој напоменува дека до нив пристигаат и барања за продолжувања на решенија за категоризација на сместувачките објекти кои имаат важност од 3 години. Но, има и помал број станоиздавачи кои бараат бришење од регистерот за дејноста приватно сместување од мал обем.
