Дочекот на Новата Година протекол мирно во Охрид и околината. Тоа го потврдуваат и малиот број интервенции кои ги имале лекарите од Итната медицинска помош за разлика од досегашните искуства кои ги имале при рабоата во текот на новогодишната ноќ. Д-р Рената Иваноска од службата 194, информира како протекла изминатата ноќ.
„Имавме околу 10 тина повици за разлика од лани и изминатите години и се поминало во најдобар ред. За разлика од очекувањата сме поминале супер. Повиците се однесувале на хипертензија и пациенти со пијанство, но со помал број на интервенции за разлика минатите години и со оглед на состојбата со корона вируст.“
При славањето на Новогодишната ноќ граѓаните покажале совесност и одговорност во почитување на пропишаните мерки кои се на сила во земјава за заштита од ковид 19. На бесплатниот телефонски број и меил адресата на МВР не биле пријавени групирања и собирања за прослава на Новогодишната ноќ.
И при контролите кои ги имале полициските службеници не биле откриени прекршувања на пропишаните рестриктивни мерки , информира Стефан Димоски портпарол на СВР Охрид.
„СВР Охрид вршеше котроли во текот на новогодишната ноќ по хотелско-угостителските објекти, приватните станоиздавачи во одредени делви во централното градско подрачје и во периферијата во вили и апартмани. Не се евидентирани групирања и недозволено собирање со цел организирана прослава во текот на Новогодишната ноќ“.
Во делот од безбедноста на патниот сообраќај, исто така, се вршени контроли на повеќе места во градот и во приградските населби. Било откриено едно лице кое управувало моторно возило во алхолизирана состојба. Во првиот ден од ова година во утринските часови во 3 часот и 10 минути, на улицата Радојца Новичиќ се случила една сообраќајна несреќа. Возач на моторно возило југо, со охридски регистарски таблики, излетал од коловозот и се здобил со телесни повреди , информираат од СВР Охрид.
