Во модуларната болница во Струга моментално се сместени 11 ковид пациенти и има централен довод на кислород. Дополнително 13 болни од корона се лекуваат на Интерното одделение во струшката болница, кое функционира како ковид 1 центар.
Половината од пациентите се со тешка клиничка слика и на кислородна поддршка.
„Повеќето од пациетите се на 60 годишна возраст во двата ковид центри кои што хоспитализирани. Со потешка клиничка слика имаме двајца пациенти за кои што веќе се преземени и други мерки за справување“, Арменд Арслани директор на Општа болница Струга.
Во струшката болница состојбата во третиот бран од пандемијата е стабилна, има уште четириесеттина слободни кревети.
„Од друга страна модуларната болница која што функционира како Ковид 2 центар за хоспитализација имаме 11 пациенти од кои 5 се на кислородна поддршка. Сите ресурси се ставени на располагање , имаме персонал, распределба на здравствените работници и моментално ситуацијата е стабилна“ , додава Арслани.
Струшката болница доби донација современо и опремено санитетско амбулантно возило за итна медицинска помош и превоз на тешко болни преку Фондацијата за развој на образование и култура – „Албиз“.
