Во организација на НУ Центар за култура „Григор Прличев“ од Охрид и „Фото сојуз на Македонија“, во сабота, по пауза од пет години повторно во Охрид изложба – „Денови на македонска фотографија“.
– „Фото сојуз на Македонија“ е најстарата и најмасовна организација во областа на фотографијата. Оваа година го слави 75 годишното постоење како неодминлив дел на македонската култура и историја. Во изминативе 59 години Фото сојуз на Македонија ја организира манифестацијата „Денови на македонска фотографија“, која претставува резиме на македонското фотографско творештво во тековната година и е најстара фотографска манифестација во Република Македонија. Оваа година, по пет години повторно во Охрид. Отворањето на изложбата и доделувањата на наградите ќе биде во сабота, на 29-ти мај, во Изложбениот салон при НУ центар за култура „Григор Прличев“ во Охрид со почеток во 19:30 часот. Изложбата ќе трае до 10-ти јуни 2021 година, порачуваат организаторите.
Додаваат дека изложбата ќе биде во согласност со сите здравствени мерки и протоколи за заштита од COVID-19.
