Според податоците на филипинската војска, во падот на авионот загинале 29 воени лица и двајца цивили. Уште 50 лица кои се превезувале со авионот и четири цивили се повредени во несреќата.
Засега уште 17 војници се водат како исчезнати. Војниците, кои се превезувале со авионот, според првичните информации, биле регрути.
Филипинските власти започнаа истрага за утврдување на причините на падот на транспортниот авион од тип „C-130“ на филипинските воздухопловни сили кој се урна при обидот да слета на островот Холо во провинцијата Сулу.
