Во склоп на рубриката „Ти си твојот град“ ни пристигнаа слики од нашиот сограѓанин Јован Карамач, на кои се гледа насобрана вода која веќе се претворила во бара. Локацијата е во населба Христо Узунов кај „Ламели“. Карамач вели дека не се знае што е точно проблемот, но апелира до надлежните да го санираат што е можно поскоро, бидејќи следуваат денови со уште поинтензивни врнежи од дожд.
Веќе неколку месеци тече вода. Дали е пукната цевка или е некој извор, не се гледа, но веќе има направено баричка. Чудно е што досега никој не реагирал за овој проблем – изјави Карамач за „Ти си твојот град“.
