Единаесет одобренија за градба издала општина Охрид во месец декември, минатата година. Според видот на инвеститорот, со одобренија се стекнале 10 физички лица и 1 деловен субјект, со предвидена вредност на објектите од 44.337 денари.
Според податоците на Државниот завод за статистика, во декември 2021 година, во земјава се издадени 378 одобренија за градење, што е за 23.9 % повеќе во однос на истиот месец од 2020 година.
Од вкупниот број издадени одобренија за градење, 228 се наменети за објекти од високоградба, 42 за објекти од нискоградба и 108 за објекти за реконструкција.
Од вкупно 378 објекти, на 226 како инвеститори се јавуваат физички лица, а на 152 објекти инвеститори се деловни субјекти.
Според издадените одобренија за градење, предвидената вредност на објектите изнесува 3 837 810 илјади денари, што е за 3 % повеќе во однос на истиот месец од претходната година. Најмногу дозволи за градба, 167, има во Скопскиот регион, а потоа следат Полошкиот со 58, Источниот со 43, Југозападниот со 31, а најмалку со 11 одобренија има во Пелагонискиот регион.
