Во голем пожар што зафатил околу 500 хектари во словенечката општина Предвор, на 30-ина километри северно од Љубљана, досега изгореле пет викендички, а повредени се неколку пожарникари, кои и понатаму се борат со пожарот.
Пожарот на падините на Побошка Гора избувнал во понеделникот попладне на популарна излетничка локација, а пожарникарите сѐ уште не успеале да го локализираат иако на помош им дошол хеликоптер на словенечката армија, кој истурил големо количество вода врз огнот.
Пожарот избувнал над помала населба, но се проценува дека станбените објекти во неа засега не се загрозени и дека не е потребна евакуација на жителите, на кои им се препорачува да не ги отвораат прозорците и да избегнуваат вдишување чад, предупреди полицијата.
Опсегот на пожарот и натаму се проширува, а станува збор за шумска површина со многу сува смрека и други дрвја кои лесно горат поради долготрајната суша, велат пожарникарите.
Околу 250 пожарникари се борат со пожарот, а на готовс е и нова екипа од уште стотина.
