Архива

Со проекција на едукативен краткометражен филм „ Депресија“, презентација на уметнички творби на тема Ментално здравје изработени од учениците и дискусии за справување со анксиозност и панични напади, Охридската Гимназија се приклучи кон иницијативата за одбележување на Светскиот ден на менталното здравје.

Општините добија можности за економски развој. Со реализација на проект за прекугранична соработка со Албанија се формираа тимови за спасување на планина и вода , се набави современа опрема , возила за интервенции во зимски услови, се адаптираа објекти. Проектот го реализираше Црвен крст Охрид во партнерство со општините Дебрца и Грамш од Албанија и Алпинистичкиот клуб Патагонија Охрид, а е финансиран од Европската Унија .

Темата на оваа конференција е „Меморандум на разбирање за управување со Проширениот прекуграничен Дримски басен“.

Улицата „Дејан Војвода“ во Охрид добива нова водоводна линија со цел да се обезбеди навремено и квалитетно водоснабдување на жителите.

Едно возило е целосно изгорено, а седум возила се оштетени од пожар. Се чини дека автомобилот се запалил на паркингот, тргнал и удрил во други автомобили и ги запалил, велат пожарникарите.

Владата им препорача на банките да ја започнат исплатата на пензиите за октомври, во понеделник на 31-ви октомври.

Продолжува судењето за убиството на ракометарот Денис Тот кој беше претепан до смрт пред дискотека во Скопје. Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска.

Денеска е Света Злата Мегленска, пример за саможртва за својата вера. Именден празнуваат: Злата, Златка, Златица, Злате…