Архива

Правниот застапник, кој функционира во рамките на Министерството за труд и социјална политика е инструментот со кој сега ќе може да се бориме против полово заснованата дискриминација.

Ако сакаш да видиш подалеку искачи се повисоко, вели младиот планинар Ивица Митровски, кој е голем вљубеник во овој спорт. Најчесто почетоците се од помодарство, но потоа тоа прераснува во љубов кон природата, вели Митровски.

Македонската православна црква ги известува православните верници дека Божиќниот пост почнува на 28 ноември, а божиќните поклади се претходниот ден, односно на 27 ноември.

Денеска во Охрид започна да функционира канцеларија „Една точка за услуги“. Граѓаните на едно место без чекање на шалтери ќе можат да добијат информации или документи од различни министерства или државни институции. Проектот е на Министерството за информатичко општество и администрација.

Законот за Охрид, кој години наназад се најавува, наскоро ќе ја здогледа светлината на денот.

Во Специјалната болница за ортопедија и трауматологија „Св Еразмо“, Охрид, функционира дијагностичкиот центар. Директорот на болницата вели дека во оваа болница во моментов и се гради но и без никаков прекин се прават сите потребни прегледи и интервенции од нивната специјалност. Дијагностичкиот центар е опремен со современа апаратура по светски стандарди.

Реконструкцијата на болницата дојде во вистински момент. Но дали работите околу тоа ќе финишираат навреме, останува да видиме. Портпаролот на болницата Сашо Василески, најави можност за изградба и на Ургентен центар.

Во градов има недостиг од контејнери, се жалат граѓаните. Бараат ЈП Комуналец да постави дополнително вакви садови за отпад како би се зачувала хигиената во градов. Од „Комуналец“ објаснуваат дека контејнери имаат и дека деновиве ќе ги постават на повеќе локации низ градов. Но, уште еднаш потсетуваат дека треба да се подигне свеста и совеста на граѓаните да не фрлаат отпад каде ќе стигнат.