Архива

Нова пролет стари проблеми во струшко. Почна спалувањето на трската во Калишко поле. Изминатава недела евидентирани се два пожари при што е уништена поголема површина на трска. Еколозите алармираат со години. Се уште го нема најавениот видео надзор и ренџерска служба за заштита.

Во пресрет на големиот христијански празник Велигден, традиционално и денеска на плоштадот „Крушевска република“ се одржа Велигденски базар. Манифестацијата веќе седма година е промотор на ракотворбите изработени од вредните раце на охридските ученици и вработени во охридските компании. Денес беа изложени велигденски украси, сувенири и традиционални македонски специјалитети, а дел од собраните средства ќе бидат донирани во хумани цели.

НУ Завод и Музеј – Охрид извршила увид на градежните активности во близина на Самоилова тврдина, за кои граѓани реагираа со допис до редакцијата на ТВМ. Стручните лица од установата констатирале дивоизведени градежни зафати за што ги известиле инспекциските служби при Управата за заштита на културното наследство во Скопје.

Охриѓанец физички нападнал 43-годишен сограѓанин во Градски Пазар Охрид. Против напаѓачот ќе биде поднесена соодветна пријава.

Во струшкото село Мислешево приведен е 45-годишен охриѓанец кај кого се пронајдени марихуана и шприц со непозната материја.

Пред големиот христијански празник Велигден, екипите на „Паркови и зеленило“ и дечињата од градинките и основните училишта го украсија градскиот парк.

Понудата беше збогатена и со рачните изработки на учениците од средните и основните училишта во градов, како и со изработките на дечињата од детската градинка „Јасна Ристеска“.

Учениците од ООУ „Дебрца“ беа во посета на Театарот за деца и млади во Скопје и ја проследија претставата „Тоби”. Тие имаа можност да се запознаат со актерите и да поразговараат за нивната работа во театарот.

Одличен настап на охридските стрелци на 15-тиот Шестоаприлски меѓународен Турнир, кој се одржа во Сараево, БиХ.