Архива

По денешната одржана седница, Комисијата за заразни болести донесе неколку препораки кои ќе му бидат доставени на министерот за здравство, а потоа ќе се најдат и пред кризниот штаб. Се продолжува важноста на сертификатите за прележан ковид од 45 на 180 дена, протоколите за лекување ќе станат подостапни за сите оние кои се вклучени во процесот на лекување, ќе се спроведе скрининг во училиштата за да се направи увид во распространетоста на вирусот во овој дел од популацијата и направена е детална анализа за смртноста во првиот месец од оваа година од ковид 19.

Во охридско-струшкиот регион недостигаат готвачи и шефови на кујна. Ниските плати и рестрикциите во пандемијата главни причини за одливот на вој стручен кадар во странство. Здруженијата на готвачи од регионот се обидуваат да помогнат и да ги мотивираат младите, за таа цел спроведуваат забрзани курсеви за готварство.

Според анализите на Министерството за здрваство, починатите од ковид-19 имале повеќе комбинирани хронични заболувања, така што не биле ,,здрави” како што лажно се тврди во овој пост. Медицинските белешки, историјата на лекувањето на пациентите во здравствениот систем, со години наназад се следи во досие кое е електронско. Секојпат кога лекарот ќе го испише матичниот број на пациентот, во компјутерскиот систем може да пристапи до неговите поранешни состојби, коморбидитети, причините поради кои во минатото барал лекарска интервенција. Исто така, самата хоспитализација бара пациентот да има индикација за да биде примен на болничко лекување. Не може само да се отиде во болница, без никаква причина и да се заврши во болнички кревет. Никој здрав не оди да биде хоспитализиран во болница.

Силен земјотрес со јачина од 6,1 степен според Рихтеровата скала го потресе Медитеранот.

Во струшката болница има 35 хоспитализирани пациенти, најмладиот има 42 години. Од 604 активни случаи на корона вирусот, 21 пациент се со тешка клиничка слика на кислородна поддршка. Само 12 пациенти кои се лекуваат биле вакцинирани, но сите се во стабилна состојба.

Откако беше објавена веста во рубриката „Ти си твојот град“, дека тече вода од асфалтот во близина на Музичкото училиште, надлежните веднаш реагираа и го санираа проблемот.

Во текот на изминатото деноноќие  според статистиката на МВР за периодот (28/29.04) по однос на забраната за движење евидентирано е дека  на ниво на целата држава  28 лица не ја почитувале забраната за движење, при што приведени се  21 лица, а за останатите се земени податоци  и ќе следуваат соодветни мерки.