Во критиката на студијата на Светската здравствена организација (WHO) за електронските цигари, која послужила како нацрт за студијата на WHO минатиот месец, во која се бара построга регулација на е-цигарите, експерти оцениле дека станува збор за неточен приказ на доказите.
“Бев шокирана и изненадена додека го читав извештајот”, рекла на новинарите Ann McNeill, истражувач на националниот центар за зависност при лондонскиот King’s College. “Сметам дека тоа е погрешно прикажување на доказите за е-цигарите”.
Популарноста на е-цигарите, каде со помош на батерија се симулира пушење со испарување на никотинска течност, во последните две години нагло порасна, но се поведе и остра расправа за нивната опасност бидејќи станува збор за нов производ и нема научни докази за нивното долгорочно влијание по здравјето.
Извештајот на WHO минатиот месец бараше строга регулација на е-цигарите, забрана за нивно користење во затворени простории, рекламирање и продажба на малолетници. McNeill изјавила дека, иако цигарите се нов производ и сеуште ги немаме сите одговори за влијанието на здравјето, јасно е дека се посигурни од цигарите кои убиваат шест милиони луѓе годишно.
Peter Hajek од универзитетот Queen Mary во Лондон, кој истражува зависност од тутун и кој е коавтор на критиката, утврдил дека е клучно е-цигарите да се оценуваат во однос на штетата која ја прави конвенционалната цигара.
McNeill и нејзините коавтори, чии критики се објавени во списанието Addiction, се концетрирале на неколку тврдења во извештајот на WHO кои наведуваат на погрешни заклучоци.
Извештајот сугерира дека користењето на е-цигарите е голем проблем и дека води кон пушење, иако е факт дека многу ретко ги користат непушачи а бројот на пушачи меѓу младите е во опаѓање, предупредуваат експертите.
Извештајот исто така пропушта да признае дека е-цигарите се не само помалку штетни од тутунските туку и дека концентрацијата на токсини е многу мал дел од онашто се наоѓа во тутунскиот чад.
McNeill и колегите, понатаму, предупредуваат дека извештајот заклучува како лицата околу пушачите на е-цигари би можеле да вдишат големи количини на токсини, иако нивните концентрации се прениски за да претставуваат ризик по здравјето.
{loadposition content9}
