Од задутре лековите на позитивната листа ќе се издаваат со нови референтни цени – на 170 лекови им се намалува доплатата, а на 110 од нив им се намалува и партиципацијата, а 21 лек што се користат во 15 нови терапии првпат ќе бидат достапни без доплата. 
Тоа се препарати за кардиоваскуларни, ревматски и за заболувања на тироидната жлезда, аналгетици, антибиотици, како и за дигестивни нарушувања.
Директорката на Фондот за здравство, Маја Парнарџиева-Змејкова, вчера нагласи дека ова е четврта ревизија на цените, што ќе значи годишна заштеда на Фондот од 88 милиони денари, а за пациентите од 31 милион денари или вкупно 119 милиони денари заштеда на целиот здравствен систем.
{loadposition content9}
