Две илјади пациенти во ризик од хронично бубрежно заболување ќе добијат бесплатен скрининг, кажа денеска министерот за здравство Илир Демири на Светскиот ден на бубрегот.
Скринингот ќе ги опфати следните градови: Тетово, Гостивар, Кичево, Струга, Охрид, Дебар, Битола, Прилеп, Кавадарци, Велес, Железара, Визбегово, Делчево, Гевгелија, Штип, Кочани, Струмица, Куманово и Крива Паланка. Граѓаните кои се во ризик за развој на хронично бубрежно заболување, ќе бидат контактирани од страна на здравствените установи и повикани на бесплатен преглед.
Проектот ‘Скрининг на популација во ризик од хронична бубрежна болест’ Министерството за здравство ќе го спроведува заедно со дијализните провајдери ‘Диаверум’ и ‘Нефроплус’.
Скринингот отпочнува овој месец, ќе трае четири месеци.
