Без договор заврши лидерската средба што почна на полноќ и траеше околу два часа, а се одвиваше во Клубот на пратеници. Учесниците дојдоа и заминаа рано утринава без да дадат никаков коментар.
Единствено изјава даде Ванхауте кој најави дека разговорите продолжуваат уште во текот на денот и во наредните денови на билатерално ниво.
„Можам да кажам дека имавме корисни разговори иако не постигнавме договор. Добро е што луѓето почнуваат да разговараат. Се надевам на најдобро, но времето притиска се очекува извештајот за напредокот и препораката“, рече Ванхауте.
Не сакаше да прогнозира дали следната недела би можеле да очекуваме конечен договор за точките од договорот од Пржино, но посочи дека се надева на најдобар исход и дека партиите активно ќе работат бидејќи времето притиска, како и објавувањето на Извештајот за напредокот на земјата на ЕК и препораката за Македонија за членство во ЕУ.
На средбата биле отворени темите за специјалниот јавен обвинител, изборот и надлежностите на министри и нивни заменици, законот за бомбите и законот за зашти на на свиркачите.
Претходно премиерот Никола Груевски имаше средба со амбасадори на ЕУ кои му ја пренесле пораката од Брисел за решавање на кризата во Македонија.
