Брендирана облека и по некој грам кокаин
Дел од македонскиот џет сет, политичари, пејачи, останаа без својот набавувач на брендирана облека.
Многу познати фаци повеќе ќе нема од каде да купуваат јакни, свечени тоалети, екстравагантна и фенси гардероба. Полицијата ја уапси најпозната скопска продавачка на брендирана гардероба Персида Момировска. Повеќе од 15 години 39 годишната Персида, позната како Пепи на црно увезуваше и продаваше облека со знакот на познати дизајнери – Армани, Гучи, Долче и Габана, Луи Витон. А клиентела и беше кремот од политиката, естрадата, глумци, бизнисмени. Но, Момировска не е уапсена за шверц и препродажба на гардероба. Таа почнала да работи и како дилер на дрога. Персида вчера е уапсена во полициска акција наречена Франкфурт и и` е одреден 30-дневен притвор.
Лима – Франкфурт – Скопје. Ова бил патот на кокаинот вреден над 200 000 евра. Пратката по авионски пат во поштата во Скопје стасала како боја за порцелан, но внатре се наоѓале 2 килограми кокаин – паста. Шверцот од Јужна Америка до Скопје го организирале Персида и 44 годишниот Воислав Будисављевиќ. Полициската операција за пресекување на меѓународен синџир за трговија со дрога се изведувала во соработка со германската полиција. Дрогата во Скопје требала да се преработи, а потоа да се продава на богати клиенти.
Дрогата и го скрати долгогодишниот бизнис со гардероба на Персида. Полицијата сега ќе ја гони и за незаконска трговија со облека. Во нејзиниот магацин каде што ја продавала гардеробата бил најден именик со имињата на клиентите. Сите познати фаци. Од А до Ш.
Оваа вест е преземена од: Тиме МК
{loadposition content9}