Синоќа во 3 часот во дискотеката „Пулс“ во Кочани избувнал пожар за време на концерт на групата ДНК, а во која присуствувале околу 1.500 луѓе, по што настанало стампедо за излез.
Катастрофален и трагичен пожар се случи ноќеска околу 03.00 часот во Диско клубот Пулс во Кочани. Стравични сцени и драматична борба за спасување на повредени и преживеани се случуваше во раните утрински часови. pic.twitter.com/UvI9Ilz02s
Пожарот, како што изјави Тошковски, е последица на искри од пиротехника употребена за светлосен ефект, во моментот најверојатно искрите го зафатиле таванот кој бил дел од лесно запалива материја, брзо се прошитил и се создал густ чад.
Со фотографии, во очај и тага роднини и пријатели преку социјалните мрежи ги бараат своите блиски кои вчера биле на концертот во дискотеката „Пулс“ во Кочани. Фотографии се објавуваат по социјалните мрежи со надеж дека некој ќе им јави во која болница се и дали се живи.
