ДДВ за дизелот останува 10% до 12 октомври

Владата ја продолжи мерката со која данокот на додадена вредност за дизел-горивото останува намален од 18 на 10 проценти до 12 октомври, соопшти министерката за финансии Гордана Димитриеска-Кочоска.

Таа нагласи дека целта е заштита на животниот стандард на граѓаните и одржување на стабилноста на домашната економија.

„Со продолжувањето на оваа мерка директно влијаеме врз малопродажните цени на горивата и го ограничуваме пренесувањето на надворешните ценовни притисоци врз цените на останатите производи и услуги“, истакна Димитриеска-Кочоска.