Мнозинство граѓани, или 59.2 отсто веруваат дека повеќе мешање во сите области ќе води кон подобри меѓуетнички односи. Најголема е поддршката за мешање во спорт и забава 81,5 отсто, на работно место 71,5 отсто, посакувана е во политички партии 65,7 отсто, а најмала е за мешани бракови 25,6 отсто.
Еден од три граѓани нема пријател од друга етничка припадност. 35,6 отсто од етничките Македонци, 27,7 отсто од етничките Албанци и 25,3 отсто од Ромите немаат пријатели од друга етничка припадност.
Граѓаните поддржуваат изучување на јазиците на другите етнички групи, подобра подготовка на учениците за мултикултурализам и за комплексноста на историјата.
Четири од пет граѓани имаат перцепција дека живеат во соседства во кои сите или повеќето соседи се од иста етничка припадност.
{loadposition content9}
