Филолошкиот факултет „Блаже Конески” ќе ја зголемува функционалната писменост на основците и средношколците
Во проектот учествуваат и неколку основни и средни училишта во земјава. Проектот се планира да биде долгорочен.
| инфодеск | Македонија
Филолошкиот факултет „Блаже Конески” при Универзитетот „Св. Кирил и Методиј” во Скопје започна со спроведување проект насочен кон подигнување на нивото на функционална писменост во основното и средното образование.
Во проектот учествуваат и неколку основни и средни училишта во земјава. Проектот се планира да биде долгорочен. Во првата фаза, која ја вклучува 2024 година, фокусот е на функционалната писменост во областа на јазиците, односно на развивање на вештините на читање со разбирање, поврзување информации од различни извори, критичко размислување и аргументација.
Понатаму, се планира соработка и со други институции, како и вклучување на други области што се изувчуваат во основното и средното образование.