Премиерот Никола Груевски денеска му одговори на лидерот на СДСМ, Црвенковски дека не прифаќа телевизиски дуел со него. Своето одбивање го образложи со тоа дека нема потреба од соочување, бидејќи тој за своето работење им оговара на граѓаните на Македонија а не на Бранко Црвенковски.“Не, не. затоа што јас како политичар одговарам пред граѓаните и пред оние кои што ме избрале, а не пред Бранко Црвенковски, тој да ми раскажува мене за ’95,’96 година да се расправаме, не. Јас секој ден сум присутен пред граѓаните на Република Македонија, преку медиумите, преку трибини, со директни посети на населени места.“, изјави Груевски, кој присуствуваше на промоцијата нови дваесет и два наслови од проектот “Превод на 500 стручни, научни книги и учебници од кои се учи на врвните, најдобрите и најреномираните универзитети во САД и Англија, а од областа на правото во Франција и Германија“во Скопје.
{loadposition content9}
