Јанош Мартоњи во посета на Македонија

Министерот за надворешни работи на Унгарија Јанош Мартоњи денес и утре престојува во посета на Република Македонија.

Министерот Мартоњи за време на посетата ќе се сретне со својот колега, Никола Попоски.
Според соопштението од МНР, двајцата министри се очекува да разменат мислења околу развојот на билатералните односи и соработка меѓу двете земји, како и да биде пренесено очекувањето за поддршка од унгарска страна во наредниот период, во насока на интегрирањето на Република Македонија во евроатланските структури.

За време на посетата на министерот Мартоњи е предвидено и потпишување заедничката декларација за соработка меѓу двете министерства за надворешни работи во процесот на пристапување на Република Македонија во ЕУ.

За време на посетата на Македонија, министерот Мартоњи ќе биде примен и од претседателот на Република Македонија Ѓорге Иванов, од премиерот Никола Груевски, како и од заменик претседателот на Владата задолжен за европски прашања Теута Арифи.

{loadposition content9}