Кочани е “Град на културата 2012“
Предвидени се музички манифестации од сите жанрови, саеми на книга, детски драмски фестивали, поетски фестивал, изложби и новогодишни концерти.
| | Македонија
Кочани
На конкурсот за организирање на оваа манифестација, која годинава се одржува по деветти пат, се пријавиле повеќе градови и општини, меѓу кои, Кочани, Крушево, Крива Паланка, Тетово, Струмица, општина Чаир, Ресен, Неготино и Битола. Стручната комисија на Министерството за култура донесе одлука Кочани да биде годинашниот организатор на “Град на културата“.
Како што соопшти Министерството за култура, проектот на Општина Кочани содржи конкретни квалитетни и разновидни културни содржини од сите дејности на културата. Во рамки на манифестацијата, анимирани се сите установи и здруженија на територијата на општина Кочани, почнувајќи од Центарот за култура “Бели Мугри“, библиотеката “Искра“, здружението на граѓани “Мактеон“ и други. Во рамки на програмата, вклучени се и сите постоечки фестивали и манифестации кои ќе бидат реализирани под еден белег, Град на култура 2012 година. Предвидени се музички манифестации од сите жанрови, саеми на книга, детски драмски фестивали, поетски фестивал, изложби и новогодишни концерти.
Покрај централното градско јадро, во манифестацијата ќе бидат вклучени и околните општини Облешево, Зрновци, Македонска Каменица и Виница.
Досега домаќини на ова случување, кое придонесува за создавање рамномерен културен развој и достапност на граѓаните до културните вредности и нивно масовно користење, беа Радовиш, Битола, Прилеп, Куманово, Штип, Велес, Кавадарци и Гевгелија.
Како што соопшти Министерството за култура, проектот на Општина Кочани содржи конкретни квалитетни и разновидни културни содржини од сите дејности на културата. Во рамки на манифестацијата, анимирани се сите установи и здруженија на територијата на општина Кочани, почнувајќи од Центарот за култура “Бели Мугри“, библиотеката “Искра“, здружението на граѓани “Мактеон“ и други. Во рамки на програмата, вклучени се и сите постоечки фестивали и манифестации кои ќе бидат реализирани под еден белег, Град на култура 2012 година. Предвидени се музички манифестации од сите жанрови, саеми на книга, детски драмски фестивали, поетски фестивал, изложби и новогодишни концерти.
Покрај централното градско јадро, во манифестацијата ќе бидат вклучени и околните општини Облешево, Зрновци, Македонска Каменица и Виница.
Досега домаќини на ова случување, кое придонесува за создавање рамномерен културен развој и достапност на граѓаните до културните вредности и нивно масовно користење, беа Радовиш, Битола, Прилеп, Куманово, Штип, Велес, Кавадарци и Гевгелија.
{loadposition content9}