Матурантите од учебната 2013-2014 година ќе полагаат четири екстерни предмети, за чиј избор дополнително ќе се одлучи во консултации со Бирото за развој на образованието, Државниот испитен центар и пошироката јавност, рече Панче Кралев, министер за образование и наука.
“Од учебната 2013-2014 година ќе се полагаат само четири екстерни предмети од државната матура. На овој чекор се одлучивме целиот систем да има доволно време за неопходни подготовки“, рече Кралев.
Според министерот, идејата за ова е услогласување на заложбите од аспект на стекнување на знаења од одреден број предмети како и насочување на учениците кон одредени области.
Кралев додаде дека оваа година нема да има никакви промени во концептот на државна матура, која според првичните најави би можела да се случи на почетокот на месец јуни наредната година.
{loadposition content9}
