Од 1 јули воведена летна забрана за тешки товарни возила на државните патишта

Од 1 јули до 31 август ќе важи забрана за движење на тешки товарни возила над 15 тони на државните патишта во Македонија за време на викендите и во периоди на екстремно високи температури.

Мерката предвидува ограничување на сообраќајот во петок попладне, како и во сабота и недела, со цел намалување на метежот и зголемување на безбедноста на патиштата во летниот период. Дополнително, при топлотни бранови забраната може да се воведе и во текот на работните денови, од понеделник до четврток, во најтоплите часови меѓу 11:00 и 17:00 часот.

Од надлежните се наведува дека целта на оваа мерка е олеснување на сообраќајниот проток, особено кон туристичките центри, како и заштита на учесниците во сообраќајот при високи температури.

Од забраната се изземени возилата што превезуваат храна, нафта, животни, хуманитарна помош и други неопходни товари