Македонија денеска официјално ќе го информира медијаторот во преговорите за името Метју Нимиц, за назначувањето на Зоран Јолевски за нов македонски преговарач.
Указот за негово назначување денеска се очекува да го потпише шефот на државата Бранко Црвенковски.
Амбасадорот Зоран Јолевски викендов беше именуван за нов преговарач за името, во рамки на преговорите што се одвиваат под закрила на Обединетите нации.
Јолевски најавил дека во тимот остануваат и досегашниот преговарач Никола Димитров, како и шефот на кабинетот на премиерот, Мартин Протуѓер.
Со изборот на Јолевски се согласил и претседателот Бранко Црвенковски, кој бил телефонски информиран од страна на премиерот Никола Груевски за новиот преговарач.
Неговото назначување доаѓа во период на намалена дипломатска активност во однос на спорот со Грција, откако на 3 ноември претседателот Црвенковски неочекувано го разреши Никола Димитров од должноста.
{loadposition content9}
