Министерството за здравство во соработка со Институтот за јавно здравје на Македонија по повод 7 април, Светскиот ден на здравјето, денеска организираат заеднички марш од плоштадот Македонија до Градскиот парк, што ќе го предводи ресорниот министер Бујар Османи.Зборно место е плоштадот Македонија, (во близина на Камен Мост) каде што во периодот од 10 до 10:30 часот на посебно поставен пункт ќе се вршат превентивни здравствени прегледи (мерење шеќер и маснотии во крвта, висина, тежина и сл.). Оттаму учесниците на маршот пеш ќе се упатат кон Градскиот парк, соопшти Министерството за здравство.
Настанот се одвива во рамки на кампањата на Министерството посветена на „Здрави животни навики за здрав живот“ и се организира во рамки на глобалната акција на Светската здравствена организација која се одбележува под мотото „1000 градови за 1000 животи“.
{loadposition content9}
