Министерот Милошоски во официјална посета на Литванија

Министерот за надворешни работи Антонио Милошоски денеска престојува во официјална посета на Литванија каде ќе се сретне со највисокиот државен врв.

Милошоски денеска во Вилнус ќе се сретне со литванскиот министер за надворешни работи Вајгаудас Усхакас, со кого ќе потпише протокол за соработка меѓу министерствата за надворешни работи на Македонија и Литванија.
Шефот на македонската дипломатија ќе се сретне и со литванскиот претседател Валдас Адамкус, а претходно ќе одржи говор во литванскиот Парламент кој утре одржува седница насловена „Пет години од членството на Литванија во НАТО: постигнуванја и идни предизвици“.

{loadposition content9}